Vijana wengi,
wanapoona wamepata urefu,
mabadiliko ya mwili, kupanda kielimu,
na hata kazi
wanajiona tayari wameshakua.
Katika mazingira ya elimu kama chuo
au kazini,
vijana wengi wamekuwa kitaaluma na kiujuzi, lakini
kihisia bado wanakuwa ni wadogo lakini wanashindwa kulitambua hilo.
Jibu linaweza kuja kwa haraka kwamba,
hiki ni kizazi cha vijana wanaojua vitu vingi mapema kabla ya umri wao.
.jpg)
Kiuhalisia kijana anatakiwa apate muda wa kukomaa kihisia ili kukabiliana na
changamoto za ukubwani.
Vijana wengi siku hizi,
wanatumia taarifa ambazo hawawezi kuzikabili katika umri wao.
Ubongo unakuwa bado hauja komaa kwa shughuli hiyo yeye anakuwa tayari ameshaianza.
Akili yake,
inazichukua taarifa hizo na kuzihifadhi lakini hisia zake haziko tayari kuzitumia katika namna inayopaswa.
Jamii huwa inafurahi sana kumuona kijana anajitambua na
anaonyesha ishara za kukua kihisia,
kwa jinsi anavyokabiliana na changamoto kubwa,
katika namna inayostahili.
ZIFUATAZO NI ISHARA ZA KUKUA KIHISIA:
1.KUWA MVUMILIVU
Hii ni ishara inayomtofautisha mtu ambaye amekua na
yule ambaye hajakua kihisia.
Sifa moja ya watu ambao hawajakua kihisia ni kutosubiria muda muafaka wa kufanya mambo yake,
yawezekana watu wengine wakaumia lakini kwa kuwa yeye amefurahi,
ni sawa tu.
Aliyekuwa kihisia hata kama
hilo jambo ni la kumfurahisha,
atasubiri tu muda muafaka ufike.
2.HAYUMBISHWI NA KUKOSOLEWA
Aliyekuwa kihisia anaelewa kabisa kwamba,
kukosolewa ni
sehemu ya kujifunza.
Watu waliokua kihisia,
huwa wanapokea kukosolewa bila
kuruhusu ukosoaji huo uharibu mambo yake mengine.
Wanajielewa wanataka nini na wao ni nani.
3.WANAKUWA NA ROHO YA UNYENYEKEVU
Unyenyekevu huwa unaenda sambamba na ukuaji wa hisia.
Unyenyekevu si kuwafikiria wenzako tu
kwanza na wewe ukajitelekeza,
hapana.
Wanakuwa si watu wa kujipendelea wao
tu kwa kila kitu.
Ila ni watu wa kwanza
kutambua kuwa uwezo waliopewa na Mungu
ni kwa ajili ya viumbe na watu wanaoishi nao.
4.WANASIMAMIA MAAMUZI YAO
Wana misimamo inayotawala maamuzi yao,
wako tayari kufuata
misimamo yao na kupita njia ya maisha waliyochagua kwa
ujasiri bila kubabaika na wanakuwa tayari kuwajibika kutokana na
maamuzi yao.
Tabia zao ndio zinaongoza maamuzi yao ya kila siku.
5.WEPESI WA SHUKRANI
Iko wazi kabisa,
kuwa unavyozidi kukua ndio kuonyesha shukrani kwa watu na Mungu
si kitu cha kuficha katika mambo madogo
hadi makubwa
unayofanyiwa.
Mtu ambaye hajakua anaona yote yanayomtokea anayastahili kwahiyo
kushukuru hawezi.
6.ANATUMIA HEKIMA KABLA HAJAFANYA JAMBO
Mtu ambaye amekuwa anafundishika,
hajioni kuwa ana majibu
ya kila kitu.
Jinsi anavyozidi kujua vitu ndivyo anavyozidi kutafuta hekima.
Huwa hawaoni aibu kufuata ushauri kwa mwalimu, au mzazi
pale anapoona amekwama.
JARIBU KUJICHUNGUZA,
KAMA UMEKOSA SIFA HATA MOJA KATI YA HIZO HAPO JUU.
BASI UJUE BADO HUJAKUA KIHISIA
USI HARAKIE VITU AMBAVYO UNAONA KABISA MUDA WAKE BADO.
.jpg)
0 comments:
Post a Comment