HIVI, ULIWAHI KUJIULIZA KUWA NJIA UNAYOTAMANI AU ULIYOCHAGUA NI SAHIHI KWAKO, UNAZIJUA ISHARA ZAKE? SOMA UJIELIMISHE.
"Je, niko katika njia sahihi?"
Kama,
umewahi kujiuliza hili swali,
uko karibu
kuipata njia yako sahihi.
Wengi,
tunajihusisha katika shughuli mbali mbali bila kujua
kama njia tunayoifuata/tuliyochukua
ni sahihi au
si sahihi kwetu.
Ulishawahi kuamka usiku mnene,
huku ukijiuliza kama njia uliyaochagua ni sahihi kwako au la?
Wengi tunajiuliza,
kuwa njia sahihi maana yake ni nini?
Kujiuliza swali hili,
ni hatua kubwa sana
kupiga katika maisha yako ya
kutafuta shughuli sahihi ya kufanya.
Fahamu wazi,
kuwa unaanza kujitambua,
na ni ishara mojawapo ya kujua
mahitaji gani ni muhimu kwako.
Yawezekana,
ukawa unalipwa vizuri,
una mazingira mazuri ya kazi,
au una
vifaa vyote vya kufanyia kazi zako.
Linapokuja
suala la upo sehemu sahihi au
sio sahihi
masuala hayo niliyotaja hapo juu
huwekwa kando.
Ishara za kuangalia kama upo njia sahihi katika shughuli unayofanya:
1.MUDA HAUKUTOSHI
Unapokuwa unafanya hiyo shughuli,
unaona muda kama unapaa.
Kwa kuwa
kwako si kazi tu bali unafurahia
kila dakika ya
kitu unachofanya.
Na unapokuwa mbali
na shughuli yako au
hata ukiwa umelala unatamani asubuhi ifike ili urudi tena eneo lako la kazi.
2.UNAPOTEZA MUUNGANIKO NA MATUKIO YA NJE YA KAZI
Unapokuwa mzigoni unahisi kama unasafiri dunia ya kipekee,
na unapoteza mawasiliano na dunia inayokuzunguka.
Unaweza ukawa unaongeleshwa na watu na usiwasikie kabisa,
kwa kuwa akili yako yote imetekwa
kwa muda huo na muda mwengine hata kula unasahau.
3.UNA IMANI NAYO MOYONI
Moyoni una imani kuwa
hii ndiyo kazi uliyoumbwa kuifanya na hakuna
atakayeweza kukubadilisha mawazo
na imani yako
uliyonayo juu ya shughuli hiyo.
4.UNA MAONO NA SHUGHULI HIYO
Una maono ya wazi kabisa ,
ya nini
unataka kupata baada ya muda fulani,
na hata kama kuna
vikwazo vinajitokeza bado
unanguvu za kutaka kufikia
lengo lako.
5.HAUKATI TAMAA
Hata kama kuna watu,
au mazingira
yanataka kukurudisha nyuma
bado hutaki kukata tamaa na
shughuli yako.
6.UNAFURAHIA CHANGAMOTO
Pamoja na changamoto zinazojitokeza
mara kwa mara
unafurahia uwepo wake kwani zinakupa
uzoefu mpya ambao mwanzo
hukuwa nao.
7.WATU WANAKUUNGA MKONO
Watu kadhaa watachukua muda wao,
kuwasiliana na wewe
ili kukupa msaada na muongozo wa
shughuli yako.
Hata wewe mwenyewe huelewi watu hawa wanakujaje katika maisha yako
lakini
wanakuja na msaada mkubwa sana kwako.
8.UNACHOFANYA KINALETA MABADILIKO YA KWELI KATIKA MAISHA YA WENGINE
Wewe unaweza ukaona
unachofanya ni kitu kidogo lakini kuna
watu kinawasaidia sana,
na mrejesho wao
utakupa picha halisi ya jinsi unavyogusa maisha ya watu wengine.
NI VYEMA UKAANZA KUJITAFAKARI SASA,
KAMA NJIA UNAYOTAMANI
AU ULIYOCHUKUA
NI SAHIHI AU LA.
HII ITAKUSAIDIA KUKUEPUSHA NA UPEPO USIO SAHIHI.
NA KUANZIA LEO,
TAMBUA KUWA NJIA SAHIHI
NDIO ITAKAYOKUPA MAFANIKIO YA KWELI KATIKA MAISHA YAKO.
JE, WEWE NI MMOJA KATI YA WATU WALIOPOKWA AKAUNTI YA FACEBOOK NA SASA INATUMIWA NA MTU MWENGINE, UNAJUA NAMNA YA KUIRUDISHA KWAKO TENA? SOMA HAPA UJIELIMISHE
Siku hizi,
suala la mtu kupokwa akaunti yake ya facebook,
na ikawa inatumiwa
na mtu mwengine
ni jambo limekithiri sana.
Anayepoka akaunti na
kubadilisha alama za siri
na email yako anakufanya usiweze kuitumia tena akaunti yako.
Na mbaya zaidi
anaweza kuanza kuitumia kukuharibia
uhusiano wako
na watu wengine.
Anaweza akawa
anaweka lugha za matusi juu ya
ukurasa au
hata kuwatukana watu
unaofahamiana nao.
Watu hawa
hutumia njia mbali mbali katika kupata nafasi ya kukupoka
akaunti yako:
1.Kuzifahamu alama zako za siri;
2.Kuifahamu email yako;
3.Kufahamu majibu ya maswali yako ya siri.
Na unapojaribu kuingia hili ndio unakutana nalo.
Ukishapokwa ukitaka kuingia
utaambiwa umekosea email
au alama za siri.
Kama ushapokwa tayari leo nitakuonyesha
jinsi ya kuirudisha akaunti yako:
Itakuletea ukurasa
ambao wewe kwa juu kuna nafasi ya wewe kuingiza hitaji lako.
Andika neno: "My Account Compromised"
au "My Account hacked"
2.HATUA YA PILI:
Katika ukurasa ufuatao bonyeza sehemu iliyoandikwa
"I can't identify my account"
3.HATUA YA TATU:
Jaza majibu katika maswali yaliyoweka katika ukurasa ufuatao.
Jinsi ya kujibu maswali ya hapo juu:
*Ingiza Email address uliyotumia kufungulia akaunti yako sehemu zote mbili.
*Katika kipengele cha tatu
Kubali kuwa unaifikia hiyo
email address kwa kuchagua
"Yes"
itasaidia facebook wakupe
nafasi ya kubadilisha alama za
siri za email yako.
*Ingiza jina lako lote unalotumia
uliokuwa unatumia katika
akaunti yako.
*Ingiza tarehe yako ya kuzaliwa,
njia mbadala ya kuitambulisha
akaunti yako,
na namba yako ya simu,
kwa ajili ya sababu za kiusalama.
*Ingia akaunti nyingine halafu
ingiza jina lako
la akaunti uliyopokwa halafu
kopi ile anwani ya pale juu.
Njoo uipesti hapa 'Facebook profile URL'
*Kama uliwahi kuipa jina picha yako iliyo juu andika hilo jina hapo.
*Kipengele hiki cha mwisho elezea jinsi akaunti yako ilivyopokwa,
jitahidi kuorodhesha njia mbali mbali
ambazo unahisi alaiyekupoka
alitumia kuingia katika akaunti yako.
*Mwisho 'Submit' na facebook watakutumia meseji katika email yako.
HATUA ITAWAFANYA FACEBOOK WAKURUDISHIE UTAWALA WA AKAUNTI YAKO IKIWA NA KILA KITU ULICHOKUWA NACHO MWANZO.
JITAHIDI MTU MWENGINE ASIJUE TAARIFA ZAKO ZA SIRI KATIKA AKAUNTI YAKO.
Eid Mubarak!
HIVI, UMESHAWAHI KUTENGANA NA MARAFIKI WENGI KATIKA MAISHA YAKO? UNAJUA DALILI GANI ULISHINDWA KUZIONA MAPEMA. SOMA HAPA UJIELIMISHE
Ulimwengu jinsi ulivyo,
hupati picha kama
binadamu angekuwa mmoja angeishi vipi
peke yake.
Kwani
ukiangalia mfumo ulivyo,
unamfanya na kumtaka
binadamu awategemee wenzake katika kutimiza mahitaji yake,
kuanzia kimwili hadi kihisia.
Hali hiyo humfanya kila binadamu awe tegemezi kwa binadamu wengine,
katika kukamilisha furaha
yake ya kila siku.
Lakini
kwa kuwa watu unaokutana nao
hamfanani tabia kuna kipindi
lazima
kutatokea utengano na hao marafiki.
Ama
uwe wewe umechoka na mwenendo wao au wao wachoke na mwenendo wako.
Lakini
mpaka utengano kukamilika,
kuna dalili huwa zinajionyesha mwanzoni ambazo
ukizisoma utagundua mapema sana kwamba kuna kitu unatakiwa ufanye ama kuuokoa au kuumaliza kabisa na wewe.
Hebu tuangalie dalili 5 unazoweza kuziangalia katuika urafiki wako:
1.MUONEKANO WA USONI
Kama
wana nyuso za furaha
wanapokuona,
hapo jua wanafurahia uwepo wako.
Lakini
ukiona umetokea tu nyuso
za watu zimebadilika ujue hizo ni
dalili za
kuwa uwepo wako
hauna umuhimu kwao.
2.MATEMBEZINI
Kama
wanakuita katika safari zao
za matembezi
ya kawaida ujue wanapenda
uwepo wako lakini kama
kila siku unashtukia tu wanahadithiana waliyoyafanya jana ambapo wewe hukuwepo hiyo ni dalili mbaya.
3.KUKUPIGIA SIMU AU KUKUTUMIA MESEJI
Kama
ukiona wewe haupigiwi wala
kutumiwa meseji
kama
kipindi cha nyuma huku wao
wanawasiliana
ujue dalili sio nzuri.
4.MANENO KUTOKA KWA MARAFIKI ZAO
Hata
marafiki zako pia
nao wana marafiki,
kwahiyo
endapo hawafurahii uwepo wako
wao ndio wa kwanza kuwasimulia habari zako wasizozipenda.
5.KUKUPINGA KILA UNACHOONGEA
Yaani
mkiwa mna jadili jambo,
wao ndio huwa wa kwanza kukucheka unachoongea.
Wanakuonyesha wazi kuwa,
hawakubaliani na unayoongea hata kama kuna ukweli ndani yake.
KUPOTEZA MARAFIKI KATIKA MAISHA YETU
SI KITU KIZURI.
USIPOTAFUTA TATIZO LIKO KWAKO
AU KWAO
UTAJIKUTA HAUDUMU NA
MARAFIKI KAMWE.
KAMA UKIONA URAFIKI HAUNA FAIDA
UMALIZE
LAKINI
UKIONA UNAFAIDA
PIGANIA KUUDUMISHA KWA
KUREKEBISHA KASORO ZILIZOPO.
HIVI, UNA TATIZO LA KUSHIKWA NA HASIRA HADI KUFIKIA HATUA YA KUDHURU WENGINE? SOMA HAPA NJIA ZA KUEPUKA HILO.
Najua kila mmoja wetu kuna kipindi,
anapatwa na hasira
pale ambapo anaona ameendewa
kinyume na alichotarajia.
Inawezekana
ni ofisini,
nyumbani,
au hata njiani hali hii ikakukuta.
Je,
kupatwa na hasira ni upungufu wa
afya ya akili?
Jibu ni hapana,
hasira huwa zipo na zimeumbwa kwa kila binadamu.
Kwahiyo kushikwa na hasira ni jambo la kawaida ila kutenda jambo baya la kumdhuru mtu au mali kutokana na hasira huo ni upungufu.
Kila mmoja wetu,
anatakiwa awe makini katika kuzitawala hasira zake na aweze kujizuia pale
anapoona zimezidi.
Hebu tuangalie njia saba zinazoweza kukusaidia kuzitawala hasira zako:
1.ONDOKA ENEO HILO
Kama upo mazingira fulani
na ukaudhiwa
na hasira kali ikakushika,
ondoka kwa dakika chache eneo hilo na ukafikirie vizuri.
Ukifanya hivi,
unasaidia kupunguza uzito wa yaliyokufanya uchukie
kwani ubongo utapata nafasi ya
kutafakari upya.
2.ELEZEA HASIRA YAKO UKIWA NA UTULIVU
Unapoelezea,
hasira yako kwa mtu/watu
waliokufanya ukasirike unasaidia
kupunguza uzito wa
tukio moyoni mwako.
Elezea kwanini
ulichukia na kwa utulivu kabisa bila kumuumiza mtu mwengine
kwa maneno yako omba
lisirudiwe tena.
3.FANYA MAZOEZI
Mazoezi ya viungo
yanasaidia kupunguza hisia kali
moyoni mwako pale
zinapotaka kuripuka.
Kama unaona una hasira nzito,
nenda eneo la mazoezi
anza kufanya mazoezi ya kukimbia au
kama una chumba cha mazoezi
kwako ingia anza kufanya mazoezi na utaona mabadiliko yake.
4.FIKIRIA KABLA HUJAZUNGUMZA
Ukiwa ushapamba moto wa hasira,
ni rahisi
kuzungumza maneno makali ambayo
yanaweza yakashusha utu wako au wa unayemwambia.
Chukua dakika chache,
kutafakari
maneno ya kutumia na uone kama hayatokuharibia au kumuharibia mwengine heshima yake.
5.FIKIRIA SULUHISHO MBADALA
Badala ya kuendelea kutafakari
kilichokufanya uchukie,
anza kufikiria namna ya kutatua tatizo lililojitokeza
kati yako na upande wa pili.
Yawezekana mtoto wako anaharibu vitu hovyo,
dereva wako anachelewa
kukufuata eneo unalomtaarifu,
au mpenzi wako anachelewa kufika eneo la miadi.
Fikiria suluhisho mbadala kwani tukio
baada hasira linaweza likaifanya
hali kuwa mbaya zaidi.
6.USILIMBIKIZE MATUKIO
Kusamehe matukio yaliyopita
na kuyasahau
ni njia inayopunguza uzito wa
tukio jipya.
Ukisamehe watu waliokukosea utakuwa umejisaidia mwenyewe na
wao pia kujifunza kitu kutokana
na tukio hilo.
Kwani usitarajie binadamu mwenzako awe
vile vile
unavyotaka na kutamani wewe awe.
7.TAFUTA MSAADA
Jinsi ya kuzuia
hasira ni
changamoto kwa kila binadamu,
kwani ukishindwa kuzizuia na
ukachukua uamuzi mbaya unawaumiza watu wanaokuzunguka.
Kwa hiyo chagua mtu wako ambaye utakuwa unaenda kuomba msaada wa ushauri
kutokana na
tukio lililokuudhi.
KUKASIRIKA SI DHAMBI
ILA INAONYESHA KUWA AKILI YAKO
INA AFYA YA KUJUA KIPI HUPENDI NA KIPI UNAPENDA KUFANYIWA.
LAKINI
UNATAKIWA UZITAWALE HASIRA
PALE UNAPOONA ZITAKUPELEKA KATIKA KUFANYA TUKIO BAYA DHIDI YA MWENGINE.
Njia pekee ya kutunza pesa ni
kupunguza matumizi
yasiyo ya lazima.
Unachohitaji ni kujua pesa unatumia
zaidi kwenye nini,
hapo ndipo utakapojua ufanye nini ili kupunguza matumizi.
Kila mara
weka akilini kuwa yawezekana
unanunua kitu kwa bei rahisi
lakini
jiulize ufanisi wake una umuhimu wowote
au ni kutimiza wajibu tu.
Tambua mahitaji yako
halafu
fanya hesabu za namna ya kutumia unachokipata kwa uangalifu.
Tambua kuwa
ili kupunguza matumizi kufanikiwe ni lazima ubadilishe mfumo wako wa maisha na namna unavyofikiria.
Zifuatazo ni hatua unaweza kuzitumia kupunguza matumizi:
1.TAMBUA UNATUMIA PESA ZAKO KATIKA NINI ZAIDI
Kama mpaka sasa hujui pesa
zako unazitumia
zaidi kwenye nini zoezi
hili litakushinda.
Ukiwa hujui pesa yako
unatumia kwenye nini hasa,
kila mara utakuwa mtu wa kushangaa tu
kuwa hela yako imepungua.
Na wengine
wanaweza kuwalaumu watu wao
wa karibu kuwa wamewachukulia
kumbe ni yeye mwenyewe ndiye aliyefanya matumizi.
2.EPUKA MATUMIZI YASIYO YA LAZIMA
Kuna matumizi
mengine hata wewe unayaona kabisa
kuwa hayana ulazima
lakini kwa kuwa
ushazoea ndio unaona ni
kitu cha kawaida.
Na hivi ndio
vitu mbavyo unanunua hapa
baada ya dakika tano ukimaliza kukitumia ushasahau kama hata ulitumia.
3.WEKA KIPAUMBELE CHA UNUNUZI
Weka mkakati wa muda mfupi
wa kutunza pesa unayopata kwa ajili ya kununua kitu fulani ndani ya muda uliojiwekea.
Kama kuna kitu
unataka kununua ijue bei yake halafu anza mkakati wa kutunza pesa kwa ajili ya kukimiliki.
Hii itakusaidia kuepuka matumizi yasiyo ya lazima.
4.PUNGUZA MATUMIZI YA SIMU
Mawasiliano
siku hizi ndio yamekuwa yanaongoza kwa matumizi makubwa ya pesa.
Ukiwa hujui muda gani wa kupiga,
na muda gani wa kutuma
meseji utakuwa
unajimaliza mwenyewe.
Unaweza ukaweka vipaumbele vya watu wa kuwasiliana nao.
Kama unafanya simu za biashara ni kitu kizuri lakini
kama ni stori tupu hapo
lazima ujizuie.
5.TENGENEZA ORODHA YA VITU VYA KUNUNUA
Unapoamua
kuwa unataka kwenda kununua
vitu fulani ni lazima uwe na orodha maalumu itakayokuongoza ili
usitumie zaidi ya uliyopanga.
Usijiroge ukatoka nyumbani kwenda kununua vitu huku hujui nini hasa unaenda kununua na gharama yake ni shilingi ngapi?
Utakuja kujuta wakati ushafikia nyumbani ukiwa huna pesa kabisa.
PESA INAYOTUMIKA TU BILA KUJIONGEZA NI SAWA NA KUJIFILISI MWENYEWE.
ANZA LEO KUTUNZA KIDOGO UNACHOPATA ILI KESHO USIJE KUJILAUMU
ZITAKAPOKWISHA KABISA.
Subscribe to:
Posts (Atom)
.jpg)
