Najua wengi wengi tumesikia tu hizi habari kwamba kuna mpango wa kujenga mji mpya wa kigamboni katika upande wa pili wa jiji la Dar Es Salaam.
Sasa leo nakuletea mpango huo na jinsi mji huo utakavyokuwa katika picha na video yake fupi.
Hivi ndivyo mji huo wa kigamboni unavyoonekana kwa ramani ya juu iliyopigwa na katika ndege.
Hapa ramani ya mji huo ikionyesha mgawanyiko wa maeneo makuu ya mji huo.
Hapa ramani inaonyesha idadi ya miradi ya viwanja 60,000 katika maeneo matatu ya Kisota(Nyumba 20,000), Vijibweni(Nyumba 20,000) na Kibada(Nyumba 20,000).
Pia imeonyesha maeneo yaliyotengwa kwa ajili ya Chuo cha Mwl. Nyerere(tayari kipo), Eneo la kambi ya jeshi(tayari lipo) na eneo la tanki la mafuta ambalo sina uhakika kama tayari lipo.
Mji huu una ukubwa wa mita skwea 64,944,000 na utaweza kukaliwa na wakazi wapatao 500,000 ukikamilika.
Hii ni taswira ya baadhi ya majengo ya ghorofa yatakayojengwa kama maeneo maalumu ya ofisi.
Hili ni eneo la viwanda kama linavyoonekana kwa juu.
Mh! Yaani kama ukikamilika na kuwa hivi...tutaingia kwa passport nini?
Hebu tuuangalie mpango wa ujenzi utakavyokuwa kwa ujumla wake mpaka kukamilika.
Hili ni daraja litalokuwa linaunganisha upande mmoja wa Dar na mwengine ambapo kwa kwasasa raia wanatumia vivuko kuvuka upande wa pili wa jiji hili.
Hapa ramani inatuonyesha miundo mbinu ya usafiri wa gari, treni na ndege itakavyokuwa.
Hii ni ramani ya barabara za magari makubwa ya mizigo zitakavyotawanyika kuingia na kutoka katika mji huu.
Ramani hii inaonyesha pia jinsi barabara za mradi wa mabasi yaendayo kasi zitakavyopita katika kusafirisha wakazi wa mji huu ikionyesha kituo kikuu kimoja.
Hapa ramani inaonyesha jinsi kituo kikuu cha pili cha mradi wa mabasi yaendayo kasi kitakapo kuwa.
Pia kutakuwa na boti ndogo za kusafirisha abiria zitakazo kuwa zinatoa huduma kwa watu watakaopenda kusafiri na boti kuwavusha eneo moja hadi lingine.
PICHA ZAIDI ZITAFUATA NA MAELEZO YAKE....
.jpg)
0 comments:
Post a Comment