Kisukari,
ni ugonjwa unaotokea katika mfumo wa mmeng'enyo wa chakula,
ambapo kiwango cha sukari rahisi(glucose) kinazidi katika damu.
Kawaida, kiwango cha sukari katika damu kinarekebishwa na kemikali
inayoitwa insulini inayotolewa na
kongosho.
Hebu tazama video ya mfumo wa chakula ulivyo hapa:
Sasa inapotokea kemikali ya insulini kutoka katika kongosho,
utengenezaji wake ni duni au seli za mwili zinashindwa kuifanyia
kazi kemikali hiyo
kama inavyotakiwa,
na hivyo kuruhusu sukari kuongezeka katika damu.
Kuna dalili kadhaa zinazotokea pale sukari inapokuwa imezidi katika damu:
1.Kupatwa na haja ndogo mara nyingi;
2.kiu kali ya maji;
3.kuhisi njaa kali.
Aina za kisukari:
1.KUTOTENGENEZWA KWA INSULINI
Mwili unashindwa kutengeneza kemikali ya insulini,
kwahiyo mhusika huwa ana
hitaji la kujiwekea
kemikali hiyo mwilini.
Aina hii inaweza kumpata mtu kabla hajafikisha miaka 40,
sana sana ni kipindi cha ujana.
Asilimia 10 ya wagonjwa wa kisukari wanaugua aina hii ya kwanza.
Mgonjwa atatakiwa ajichome sindano ya kemikali ya insulini
katika maisha yake yote.
Na mara nyingi huwa
wanatembea na kifaa
maalumu cha kupimia kiwango cha sukari katika damu,
mara anapoona imezidi
anatakiwa ajichome
sindano ya insulini
ili kuipunguza katika kiwango maalumu.
2.KIWANGO KIDOGO CHA INSULINI
Katika
aina hii mwili unashindwa kutengeneza kemikali ya
insulini ya kutosha,
au mwili unashindwa kuitumia kemikali hiyo.
Asilimia 90
ya wagonjwa wa kisukari wanaugua aina hii ya pili.
Aina hii inaweza kuzuiwa kwa:
1.Kupunguza uzito;
2.Chakula kamili;
3.Mazoezi mengi;
4.Kufuatilia kiwango cha sukari katika damu.
Na ikiwa aina hii itashindwa kuzuiwa na mgonjwa,
itampeleka katika hatua
ya kujiwekea kemikali
ya insulini sana sana kwa njia ya kunywa vidonge.
Tazama video ya aina ya pili ya kisukari hapa:
3.KISUKARI WAKATI WA UJAUZITO
Inawapata sana wakina mama
wakati wakiwa
wajawazito,
na kuwafanya wawe na kiwango kikubwa sana cha sukari katika damu.
Inaweza kuzuiwa kwa
mazoezi na chakula kamili.
Inaposhindwa
kuzuiwa kwa mama mjamzito inamsababishia matatizo wakati wa kujifungua,
mwili wa mtoto unaweza kuwa mkubwa kuliko unavyopaswa kuwa.
Uchunguzi
unaonyesha kuwa wanawake wengi ambao lishe yao kabla hawajawa
wajawazito ilikuwa na
kiwango kikubwa cha mafuta ya wanyama na chenye kolesto wanakuwa katika
hatari ya kupata aina hii ya kisukari.
Vitu gani vinaweza kusababisha ugonjwa huu wa kisukari:
1.UZITO KUPITILIZA
Unapokuwa na uzito mkubwa,
unajiweka katika hatari
ya kupata ugonjwa
wa kisukari.
Uzito wa mwili kupitiliza unaufanya mwili kutengeneza kemikali
ambayo inaenda kuvuruga
mfumo wa mmeng'enyo
wa chakula.
2.KIWANGO KIDOGO CHA HOMONI ZA TESTOSTERONE
Ikiwa
mtu atakuwa na
kiwango kidogo cha utengenezwaji wa homoni hii kutoka katika korodani za mwanaume
na ovari za mwanamke,
basi
kiwango chake
katika damu kikishuka
kinamuweka mtu katika
hatari ya kupata aina
ya pili ya kisukari.
Ndio maana watu wenye umri mkubwa
hatari inakuwa kubwa
kwasababu,
kiwango cha utengezaji wa homoni hii unapungua kiasili,
na kuzuia insulini isifanya kazi yake sawa sawa.
Matatizo yanayoweza kutokea ikiwa utashindwa kuzuia ongezeko la sukari katika damu:
1.Matatizo ya Macho
Glaucoma-kuharibika
kwa mishipa kuona na
inaweza kutibiwa kwa
dawa ya matone ya macho.
Cataracts-ukungu katika macho unazuia kuona vizuri ambao unaweza
kuondolewa kwa oparesheni
maalumu ikiwa kuna ulazima.
2.Matatizo ya miguu
3.Matatizo ya ngozi
4.Matatizo ya moyo
5.Matatizo ya kusikia
6.Matatizo ya nguvu za kiume
7.Matatizo ya tumbo
8.Kiharusi
9.Michubuko kushindwa kupona haraka
10.Matatizo ya fizi za meno
Tazama video ya jumla hapa:
HUO NDIO UGONJWA WA KISUKARI KWA UFUPI.
.jpg)
0 comments:
Post a Comment