MAMBO SITA UNAYOPASWA KUJIKUMBUSHA KILA WAKATI UNAPOKUTANA NA UGUMU KATIKA KUFANIKISHA MALENGO YAKO.
Acha ukweli usemwe, furaha ya kweli si kutokuwa na matatizo,
lakini ni uwezo wa kukabiliana nayo kwa ujasiri. Mara zote angalia kile ulicho
nacho mkononi, badala ya kufikiria ulichopoteza. Sababu haijalishi dunia imechukua
nini kutoka kwako, bali utafanya nini na kile ulichobaki nacho mkononi.
Yafuatayo ni mambo sita unayopaswa kujikumbusha kila
unapopatwa na jambo gumu linalotaka kukukatisha tamaa ili usisonge mbele.
1.
MAUMIVU NI SEHEMU KATIKA UKUAJI
Kuna kipindi maisha yanafunga mlango sababu
ni muda muafaka kusonga mbele. Na hiki ni kipindi kizuri sababu mara nyingi
hatuwezi kusonga mbele wenyewe mpaka matukio Fulani yatokee kutusukuma ndo
tunasonga.
Mambo yanapokuwa magumu jikumbushe kuwa
hakuna maumivu yanayokuja bila dhumuni maalumu. Songa mbele baada ya maumivu
lakini usisahau ulichojifunza kipindi cha maumivu.
Eti kwasababu una pata mahangaiko ndo
imaanishe kuwa unafeli maisha. Kila jambo lolote kubwa la mafanikio huwa haliji
kirahisi mpaka liambatane na mahangaiko ya hapa na pale. Mambo mazuri huchukua
kipindi kirefu kukamilika. Kuwa mvumilivu na kuwa na mtazamo chanya. Kila kitu
kitaenda kuwa sawa, labda sio kwa kasi unayoitaka wewe lakini mambo yatakuwa
sawa tu.
Kumbuka kuna maumivu ya aina mbili, kuna
yale yanayokuumuiza na yale yanayokubadilisha. Ukiwa unaenda na mtiririko wa
jinsi maisha yanavyokwenda, badala ya kupingana na mabadiliko, itakusaidia
kukua.
2.
KILA KITU KIPO KWA MUDA TU
Kila wakati mvua inaponyesha, huwa kuna
muda itaacha. Kila wakati wewe unapopata madhara, kuna wakati wa wewe kupona.
Baada ya giza daima kuna mwanga - wewe hili unakumbushwa kila asubuhi, lakini
bado mara nyingi unasahau, na badala yake unachagua kuamini kwamba usiku
utadumu milele. Haitakuwa hivyo. Hakuna kinacho dumu milele.
Hivyo kama mambo ni nzuri sasa hivi,
furahia. Sababu haitadumu milele. Kama mambo ni mabaya, msiwe na wasiwasi kwa
sababu haitakuwa milele. Kwa sababu tu maisha si rahisi wakati huu, haina maana
huwezi kucheka. Kwa sababu tu kitu kinakusumbua
wewe, haina maana huwezi tabasamu. Kila wakati unakupa mwanzo mpya na mwisho
mpya. Unapata nafasi ya pili, kila wakati . Wewe unapaswa kuchukua nafasi na
kuufanya kuwa ni wakati bora zaidi.
3.
KUWA NA HOFU NA KULALAMIKA HAKUBADILISHI KITU
Wale ambao wanalalamika zaidi, kukamilisha
mambo inakuwa ni ngumu. Ni vyema kujaribu kufanya jambo kubwa na kushindwa
kuliko usijaribu kufanya chochote na utarajie kufanikiwa. Sio mwisho kama
umefanya jambo na ukashindwa; na sio mwisho pia kama haujafanya jambo lolote lakini
ukaishia kulalamika kuhusu hilo jambo.
Kama unaamini katika kitu, usiache
kuendelea kujaribu. Usikubali vivuli vya zamani vikazima hatua zako za maisha
yako ya baadaye. Ukiwa unaitumia leo kulalamika kuhusu jana hautaifanya kesho
kuwa nzuri.
Badala yake chukua hatua. Hebu tumia ulichoweza kujifunza kuboresha
jinsi ya kuishi. Endelea kufanya mabadiliko na kamwe usiangalie nyuma.
Furaha ya kweli utaipata pale tu utakapoacha
kulalamika kuhusu matatizo yanayokukuta bali unatakiwa uanze kushukuru kwa
matatizo ambayo hauna.
4.
MAKOVU YAKO NDIO NGUVU YAKO
Usije kuona aibu hata siku moja kutokana na
makovu ambayo maisha yamekupa. Kovu ina
maana uliwahi kuumizwa na tatizo limekwisha na jeraha limefunga. Ina maana wewe
alishinda maumivu, umejifunza somo, umekuwa na nguvu, na umesonga mbele. Kovu
ni alama ya ushindi ya kujivunia.
Usije kuruhusu makovu yako yakushikilie
mateka. Usije kuyaruhusu yakufanye uishi maisha yako katika hofu. Huwezi
kufanya makovu katika maisha yako kutoweka, lakini unaweza kubadilisha mtazamo
wa jinsi unavyoyaangalia. Unaweza kuanza kuona makovu yako kama ishara ya nguvu
na si maumivu.
5.
KILA KIKWAZO KIMOJA NI HATUA YA KUKUA
Katika maisha, uvumilivu si kuhusu kusubiri
tu; ni uwezo wa kushikilia tabia nzuri wakati wa kufanyia kazi kwa bidii ndoto yako, ukijua kwamba kazi unayofanya ni ya thamani. Hivyo kama unakwenda
kujaribu, jitahidi kuweka muda wako wote huko.
Vinginevyo, hakuna faida kuanzisha jambo.
Hii inaweza kuwa na maana ya kupoteza utulivu na faraja kwa wakati, na labda
hata akili yako juu ya tukio. Na inaweza kumaanisha kukosa kula, au kukosa
kulala, kama ulivyozoea, kwa siku kadhaa.
Na inaweza kuwa na maana kutoka eneo lako
la faraja na ukaruruhusu kuumizwa na baridi kwa ajili ya jambo unalojaribu. Inaweza
kumaanisha kutoa sadaka mahusiano na yote yale ambayo ni yako. Inaweza kuwa na maana
ya kukubali kejeli kutoka kwa wenzako.
Kila kitu kingine ni mtihani wa dhamira
yako ni kiasi gani cha wewe kweli unataka kutimiza jambo uliloanzisha.
Na kama unataka kutimiza jambo, itabidi
kufanya, hata kama litaambatana na matukio ya kushindwa na kukataliwa. Na kila hatua utakayopiga
utajisikia vizuri kuliko kitu kingine chochote unaweza kufikiria.
Utagundua
kuwa mapambano hayapatikani katika njia, bali ni njia. Na ni thamani yake.
Hivyo kama wewe unakwenda kujaribu,nenda njia yote. Hakuna hisia bora katika
dunia ... hakuna hisia bora kuliko kujua nini maana ya kuwa hai.
6.
MITAZAMO HASI YA WENGINE SIO TATIZO LAKO
Kuwa na mtazamo chanya wakati mazingira yametawaliwa
na mitazamo hasi. Tabasamu wakati wengine wanajaribu kukurudisha chini. Si
jambo rahisi kudumisha shauku yako na kuzingatia unakoelekea. Wakati watu
wengine wanakutenda vibaya, endelea kuwa wewe. Milele usiruhusu tabia chungu za
mtu mwingine zilete mabadiliko kwako.
Zaidi
ya yote, milele usikubali kubadilika ili kumvutia mtu ambaye anasema wewe hauna
uwezo. Badilika sababu itakufanya mtu bora na itaenda kubadilisha kitu katika
maisha ya mbeleni. Watu wataendelea kuzungumza bila kujali nini unafanya, hata
iwe unafanya vizuri kiasi gani. Hivyo kuwa na wasiwasi kuhusu mwenyewe kabla ya
kuwa na wasiwasi kuhusu nini wengine wana kufikiria. Kama unaamini kwa dhati
katika kitu, wala hupaswi kuwa na hofu ya kupambana kwa ajili yake. Nguvu kubwa
inatokana na kushinda kitu ambacho wengine walifikiria hakiwezekani.
Utani wote weka pembeni, maisha yako yanakuja
mara moja tu. Huo ndio ukweli. Hivyo kufanya kitu kinachokupa furaha ndio
kinapaswa kuwa kipaumbele chako.
JE, UNAZIFAHAMU STADI AMBAZO WAAJIRI WENGI WANAZIANGALIA KWA WAFANYAKAZI/WAOMBAJI WA KAZI? SOMA UJIELIMISHE.
Ukikutana na
mtafuta ajira kilio chake kikubwa ni nimefanyiwa usaili mara nyingi ila baada
ya hapo sijaitwa tena.
Waajiri huwa wanatumia vigezo gani katika kujaza nafasi za kazi
katika ofisi zao? Kama unadhani una jibu moja litakalo wawakilisha waajiri wote
kutokana na swali hilo, naomba nikwambie tafakari Zaidi.
Waajiri wote si sawa, anachokitafuta mwajiri mmoja kinaweza
kuwa tofauti na mwajiri mwengine. Sababu inaweza kuwa ni kuwa mazingira ya kazi
ya mwajiri mmoja yanatofautiana na mwajiri mwengine, kwahiyo watakapokuwa
wanakusaili watakuwa wanaangalia vitu tofauti kutoka kwako.
Kila mwajiri anatafuta stadi za mwombaji zitakazoendana na
kazi alizonazo katika ofisi yake ili kuboresha ufanisi wa kazi ili kutoa bidhaa
au huduma nzuri kwa wakati na ubora unaotarajiwa na mteja. Lakini nje ya stadi
kuna vitu ambavyo waajiri wengi wanafanana katika kuviangalia kutoka kwa
mwombaji wa ajira.
Habari nzuri ni kuwa watafuta ajira wengi wanazo hizo sifa
ila tu wanashindwa kuzionyesha wanapopata nafasi ya kuzionyesha. Na habari
nzuri Zaidi ni kuwa kwa wale ambao hawana wanaweza kujijengea tabia hizi na
zikawapa nafasi nzuri ya kuajiriwa kwa kupata mtu sahihi wa kuwaelimisha.
Na habari nzuri Zaidi ni kuwa utakapozijua hizi tabia utaweza
kuboresha mfumo wako wa uombaji kwa kuelekeza moja kwa moja katika wasifu wako
kile anachotafuta mwajiri katika kazi husika. BAdala ya kujaza masifa kibao
katika wasifu wako utajua namna ya kuweka zile za muhimu.
1. UWEZO
WA KUWASILIANA
Uwezo wa kuwasiliana upo katika pande
tatu moja ni uwezo wa kusikiliza, pili ni uwezo kuongea na tatu ni uwezo wa
kuandika. Na kama unavyojua lugha yetu ya kiofisi ni kiingereza sasa ukiwa
vizuri katika pande hizo tatu utajiweka katika nafasi nzuri katika soko la ajira.
Unapokuwa na uwezo wa kupokea maelekezo kwa haraka na kuyahamishia katika
maandishi na ukaweza kueleza matokea yake iwe kwa maandishi au mdomo ufanisi
kazini utakuwa juu.
Utajisikiaje unampa maelekezo mfanyakazi wako jinsi ya
kufanya kazi Fulani na akashindwa kufanya kama ulivyomuelekeza kisa hamuelewani
lugha?
2.UWEZO
WA KUTUMIA KOMPYUTA
Hapa tuelewane vizuri, kujua kompyuta
haimaanishi lazima uwe umesomea kozi yake miaka kadhaa chuo labda kama kazi
unayoomba inahusiana moja kwa moja na uweledi wa kompyuta kwa kusomea kozi
husika. Ila kama unaomba kazi ambazo hazina uhusiano wa moja kwa moja na masomo
ya kompyuta, nataka nikwambie haimaanishi ndo usijue kitu kuhusu kompyuta.
Dunia hii ya utandawazi kila kazi kwa namna moja ama nyingine ili kuikamilisha lazima
kompyuta itaingia kati sasa kama hujui kuitumia kabisa utakuwa unajipunguzia
soko. Mathalani uweze kutuma barua pepe (E-mail), programu ya maandishi
(Microsoft word) na program ya namba na maandishi (Microsoft Excel)
3.UWEZO
WA KUBADILIKA/KUFANYA KAZI ZAIDI YA MOJA
Katika dunia hii ambayo ukuaji wa
teknolojia na ushindani wa huduma na bidhaa umekuwa mkubwa ofisi nyingi
hupunguza gharama kwa kuajiri watu wachache wenye uwezo wa kufanya kazi Zaidi
ya moja ili gharama za kuzalisha ziwe ndogo na wao waweze kushusha bei
kupunguza ushindani na kuliteka soko.
Hivyo ukiwa na sifa ya uelewa wa kazi
Zaidi ya moja utajiongezea nafasi katika soko la ajira.
4.UWEZO
WA KUCHANGANYIKA NA WENGINE
Katika mazingira ya ofisi ambayo
binadamu Zaidi ya mmoja wanashirikiana kufanikisha lengo moja la ofisi, uwezo wa mfanyakazi mmoja
kuchangamana na mwengine bila tatizo ni jambo la muhimu sana.
Ofisi inaweza
kuruhusu mtofautiane kwa hoja ili kupata kitu kizuri lakini si kugombana sababu
wazo la mmoja limepingwa na wengi na kuwanunia, hii italeta utengano na
kushusha ufanisi mahali.
Ukiwa na uwezo wa kuchangamana na wengine mathalani
katika wasifu wako ukaweza kuonyesha kwamba uliwahi kufanya kazi na watu Fulani
na kufanikisha jambo Fulani.
5.UWEZO
WA KUONGOZA
Sehemu yoyote ambayo wanakutana watu
Zaidi ya wawili lazima kuwe na kiongozi na lazima ujue miongoni mwenu lazima
atoke kiongozi.
Waajiri wengi wanapenda mtu mwenye uwezo wa kuongoza sababu
wenye tabia hii huwa na uwezo wa kufanya maamuzi ya kibunifu hivyo wanatarajia
hata wakati wa utendaji wako utakuwa unafanya kwa ubunifu na kuwaongoza wengine
na si kufuata njia zile zile
zilizopitiwa na wengine na hivyo kuongeza ufanisi kazini.
HAUJACHELEWA KUFANYA MAREKEBISHO PALE AMBAPO UNAONA UNA MAPUNGUFU ILI KUONGEZA UWEZO WAKO WA KUAJIRIKA KATIKA SOKO LA USHINDANI WA AJIRA.
HAKUNA ALIYEZALIWA NA SIFA ZOTE HIZO BALI WENGINE WAMEZITENGENEZA NA WAKAWEZA KUZIFANYA KUWA SEHEMU YA MAISHA YAO NA MATOKEO MAZURI WAKAYAPATA.
ANZA SASA KUPIGA HATUA...
JE, UMEKATA TAMAA KWAKUWA JAMBO UNALOJARIBU KUFANYA LIMEKUWA GUMU? SOMA UJIELIMISHE SABABU ZA KWANINI HUTAKIWI KUKATA TAMAA
Laurie Notaro aliwahi kusema;
“If you really believe
in what you're doing, work hard, take nothing personally and if something
blocks one route, find another. Never give up”.
Kauli hii ikimaanisha;
“Kama unaamini katika kile unachofanya, fanya
kwa bidii, usifanye ubinafsi na kama kuna jambo litajitokeza kufunga njia moja,
tafuta njia mbadala. Usikate tamaa”.
Kukata tamaa ni kitendo cha kuishiwa mbinu mbadala za
kukamilisha jambo Fulani ulilokuwa unalifanya kwakuwa tu umekumbana na ugumu.
Katika kila jambo tunalofanya huwa tuna matarajio ya kufanikiwa ila pia
changamoto haziwezi kuepukika.
Maneno “Kata” na “Tamaa” hayatakiwi kuwa pamoja. Hata neno
hapana halipaswi kuwa sehemu ya neno katika kamusi yako. Kuwa sehemu ya jamii
ya watu Fulani katika dunia unakuwa ni kiumbe wa pekee kuwahi kutembea juu ya
ardhi hii.
SABABU 8 ZA KWANINI HUTAKIWI KUKATA TAMAA
1.UPO
HAI,NA UNAWEZA
Yaani ilimradi una pumua pumzi ya
uhai, hakuna uhalali wa wewe kusema kuna jambo limekushinda na unalikatia
tamaa. Kama ukiweka akili na mawazo yako katika hilo jambo lazima utaweza
kufanya japo kufanikisha sehemu yake. Hakuna lisilowezekana chini ya jua.
Christopher Reeve aliwahi kusema;
“So many of our dreams at first seem impossible, then they
seem improbable, and then, when we summon the will, they soon become
inevitable.
Ikimaanisha; “Ndoto zetu nyingi kwa mara ya kwanza huonekana haziwezi
kuwa kweli, baadae huonekana haziwezekani kabisa, ila, tunaipoita utayari wa
kufanya ndani yetu, punde zinakuwa haziwezi kuepukika”
Udhuru pekee unaoweza kuutoa kwa kutoweza kutimiza ndoto zako ni ikiwa
umekufa ila kama unaweza kusoma hapa, hakuna cha kukuzuia.
2. AMINI KATIKA NDOTO ZAKO
Ukikata tamaa, unajikatia tamaa mwenyewe na si mtu mwengine yeyote.
Usijiuze mwenyewe wala kuruhusu mtu mwengine akurudishe nyuma. Kama unaweza
kuwa na ndoto zako mwenyewe basi hata uwezo wa kutimiza unao.
Kuna mamilioni ya watu wa kale waliokuwana na ndoto zao katika ulimwengu
huu, kama na wao wangekata tamaa hapo mwanzo hii dunia isingekuwa hivi
unavyoiona leo.
Chukulia mfano ndugu wawili kutoka katika familia ya Wright waliokuwa
wana ndoto za kutengeneza ndege jinsi walivyokumbana na vikwazo vya kuifanya ndogo yao kuwa kweli
huku hakuna aliyedhani kama ndoto inawezekana kwa kuwacheka na kejeli.
Hawakukatishwa tamaa ila walipambana kuifanya ndoto yao kuwa kweli na walifanikiwa,
je usafiri wa ndege si kiunganishi muhimu katika dunia ya leo?
Langston Hughes aliwahi kusema;
“Hold fast to your dreams, for without them life is a broken winged
bird that cannot fly.”
Ikimaanisha;
“Shikamana na ndoto zako, kwakuwa bila ya hizo maisha ni sawa na ndege
aliyevunjika mabawa asiyeweza kuruka”
3.UNA
KILA KITU UNACHOTAKA
Kila unahohitaji ili kufikia malengo yako, kimewekwa tayari ndani
yako. Usiwe mtu wa kutoa udhuru, kama inawezekana kuwa na wanamichezo walemavu
wenye uwezo wa kushiriki michezo katika kiwango cha olimpiki,mapungufu yako hayawezi
kukuzuia kutimiza ndoto yako. Mshukuru Mungu na tumia uwezo aliokupa
kufanikisha ndoto zako.
4. HAUHITAJI
KUJA KUJUTA
Majuto ni hisia mbaya sana mtu kuwa nayo. Usiruhusu nafsi yako ijiweke
katika mazingira ya kuja kujuta ila unapaswa ufanye unachotakiwa kufanya sasa.
Rory Cochrane alisema;
“I do not regret the things I've done, but those I did not do”
Ikimaanisha;
“Sijutii kwa vitu nilivyofanya, ila kwa yale yote ambayo sikuyafanya”
5.UNATAKIWA
UJITHIBITISHIE MWENYEWE
Unatakiwa uje ujithibitishie mwenyewe na ulimwengu mzima kwamba unaweza
kufanya jambo. Usiruhusu jambo au kitu chochote kikuzuie kutimiza ndoto zako.
Kushindwa kwa kweli si kule kujaribu na kukosa, bali ni kule
kutojaribu kabisa.
Wewe unaweza kutimiza ndoto zako, sababu wanaoshindwa ni watu wasiofanikiwa
daima.
6.UTAPATA MABADILIKO MAZURI
Inawezekana kabisa unapitia wakati mgumu sasa, lakini ukishikilia kwa
muda utapata mabadiliko ya haraka na mazuri. Kama utaendelea kupambana hutakiwi
kukata tamaa sababu huwezi jua lini ndio siku yako ya kutoboa.
Usiwe kama mtu anayechimba kisima ambaye hadi anafika mita 50 hajapata
maji, anakata tamaa na kuacha lakini anakuja mwengine anachimba mita 1 tu toka
pale alipoishia yeye anakutana na maji. Kama umeamua fanya kweli mpaka upate
matokeo.
7.UNAPASWA KUTIMIZA
Si kila mtu anaweza kusikia sauti ya ndani inayomwambia afanye jambo Fulani,
ila kama wewe umeweza kuisikia ikikwambia timiza jambo Fulani, nakwambia
usiachie bila kutimiza sababu umeumbwa ili kufanikisha hilo.
8.HAMASISHA
WENGINE
Katika maisha yetu lazima kuna watu
uliowazidi watakuwa wanakuangalia kama mtu wao wa mfano, mathalani wadogo zako
au hata watu wa karibu na majirani. Sasa wanapokuona wewe umekata tamaa
inawakatisha tama hata wao.
Ndio maana hutakiwi kukata tamaa sababu hujui
wangapi wanakuangalia, ushindi wako utawapa hata wao nguvu ya kupambana katika safari
yao kwa kuwa walishawahi kuona Fulani aliweza.
Kuna idadi ya kutosha ya mitazamo chanya ndani yako
ambayo pengine haujaweza kuitambua na inasubiri kuamshwa. Na kila wakati
unapopoteza motisha unapaswa kujikumbusha kwa haraka uwezo wako.
Daima kumbuka
kwamba ladha ya mafanikio daima inakabiliwa na kushindwa kwa muda. Kama wewe utakata
tamaa kutokana na magumu ya muda utakuwa unajiandaa kushindwa, lakini kama wewe
utaendelea kupambana utakuwa na mafanikio.
JE, ULIWAHI KUFIKIRIA KUJIAJIRI ILA UNAOGOPA KUJARIBU KWA HOFU YA KUSHINDWA? SOMA HAPA HUENDA UKABADILI MAWAZO YAKO..
Si kila mwenye mafaniko leo hii,
aliyapata kwa mara ya kwanza
alipojaribu.
Mara nyingi ni watu ambao walijaribu mara nyingi bila mafanikio,
kabla hawajapatia na
kufanikiwa.
Na wengi wao ni wale,
waliokuwa wamejitolea kupambana
na vikwazo
kutoka kwa watu
mbali mbali na mifumo.
Wanapovuka hatua hii ya vikwazo,
wengi wao
wanakosa majibu ya moja kwa moja wamefikaje hatua hiyo
ya mfanikio pamoja na vikwazo vyote walivyokutana navyo.
Kuna siri imejificha hapa?
Ndio,
kushindwa mara nyingi na bado kuendelea kunga'ang'ania mpaka unashinda,
inaonyesha kuna kitu
alikiona hapo.
Ni kipi hicho?
Nadhani,
tunahitaji makala itakayojitegemea,
kuelezea siri iliyopo
hapa kwa watu wengi
waliofanikiwa.
Unapopatwa na wakati mgumu,
iwe katika masomo au kazini
hupaswi kukata tamaa mapema
bali
tumia historia fupi za watu hawa kujitia
nguvu ya kusonga
mbele.
Watu hawa waliofanikiwa wapo katika makundi makuu 8.
Leo tunaanza na kundi la kwanza la
wafanya biashara.
1.Henry Ford:
Huyu ni mfanyabiashara raia wa Marekani,
alizaliwa
30 julai 1863 katika familia ya wakulima wadogo,
na kufa 7 Aprili 1947.
Ndiye aliyeanzisha
kampuni kubwa ya magari aina ya Ford.
Aliondoka kwao,
akiwa na miaka 16 tu
na kwenda kutafuta
ajira ya umakenika.
Kabla hajafanikiwa,
alifilisika kibiashara mara tano.
Alianza kuonja mafanikio baada ya kubuni
gari la kwanza kutengenezwa
Marekani aina ya
Ford Model T.
2.R. H. Macy:
Ni raia wa Marekani
ambaye alikuja kuanzisha
biashara ya idara ya stoo kubwa za biashara
katika jiji la
NewYork.
Alizaliwa 30 Agosti 1822 na
kufariki 29 machi 1877.
Kabla hajafanikiwa katika wazo hili alifeli mara saba.
3.F.W. Woolworth:
Huyu ni raia wa Marekani ambaye alifanya kazi katika stoo ya bidhaa ya
mfanyabishara mwengine,
ambako alipokea manyanyaso
mengi hadi yakamfanya
aamue kukaa chini na
kupata wazo la yeye kufungua stoo zake mwenyewe za biashara.
Alizaliwa 13 Aprili 1852 na
kufa 8 Aprili 1919.
Hata huku Tanzania kuna maduka yenye hili
jina lake moja
maeneo ya Posta PPF Tower.
4.Soichiro Honda:
Ni raia wa Japan,
na muanzilishi wa kampuni ya Honda.
Aliwahi mara kadhaa kuomba
kazi katika kampuni ya
Toyota kama injinia,
lakini alikosa baada ya
kufanyiwa usaili na
kuonekana hana vigezo.
Alikaa muda mrefu sana bila kuwa na
kazi,
kitu kilichomfanya
akae chini kufikiria na kuibuka na
wazo la
kampuni ya Honda.
Alizaliwa 17 Novemba 1906 na
kufa 5 Agosti 1991.
Ambayo imekuja kuwa mpinzani wa kampuni iliyomkataa.
5.Akio Morita:
Ni raia wa Japan,
na muanzilishi wa
kampuni ya Sony.
Bidhaa yake ya kwanza,
kuanzisha ilikuwa ni
jiko la kupikia mchele(Rice cooker)
ambayo ilikuwa inaunguza sana wali hivyo watu waliacha kununua bidhaa hiyo.
Lakini,
hakukata tamaa mpaka
alipokuja kuboresha na
kuja kukubalika tena na bidhaa
nyingi tofauti tofauti
za vifaa vinavyotumia umeme.
Alizaliwa 26 Januari 1921
na kufa 3 Oktoba 1999.
6.Bill Gates:
Ni raia wa Marekani,
alizaliwa 28 Oktoba 1955 mpaka leo bado anadunda.
Alianza na mkosi wa kufukuzwa
chuo cha Harvard
ambapo aliamua kuanzisha biashara
na mwenzake kwa jina la kampuni
iliyoitwa Traf-O-Data
ambayo
haikufanikiwa kabisa.
Alipopata wazo la kutengeneza kompyuta alilipeleka katika kampuni moja ambapo lilikataliwa.
Hakukata tamaa na mwisho wa uvumilivu wote akaja na kampuni ya
Microsoft ambayo imempa utajiri
usioelezeka.
7.Harland David Sanders:
Ni raia wa Marekani,
na muanzilishi wa kampuni ya kukaanga kuku ya Kentucky Fried Chicken(KFC).
Alipoanza hii biashara alikataliwa mara 1,009 na migahawa ya Marekani kumpa
oda ya kuku anaouza.
Lakini uvumilivu wake ukaja kumpa mafanikio makubwa katika biashara hiyo hiyo.
Alizaliwa 9 Septemba 1890 na
kufa 16 Desemba 1980.
8.Walt Disney:
Kwa wale wapenzi wa
filamu na katuni,
huyu ndio mtu aliyewaingizia
hiyo burudani kwa mafanikio sana.
Alianza kwa kufanya kazi ya
uhariri wa gazeti
ambapo alifukuzwa kwa
kuonekana hana ubunifu.
Na alikuja kuanzisha miradi
mbali mbali ambayo haikuweza kudumu muda mrefu na kumfilisi kabisa.
Lakini mwisho wa uvumilivu wake akaja kufanikiwa katika
kampuni yake ya Disney ambayo
inajihusisha na filamu na katuni.
Alizaliwa 5 Desemba 1901 na
kufa 15 Desemba 1966.
USIOGOPE KUSHINDWA,
KILA KITU USIPOJARIBU
HAUTAWEZA KUKIJUA KAMWE.
KAMA WEWE UNATAKA KUFANYA BIASHARA
AU
ULISHAANZA,
UKISHIDWA USIKATE TAMAA.
ENDELEA KUNG'ANG'ANIA KAMA
UNAJUA NDICHO KITU PEKEE UNACHOWEZA KUFANYA
KATIKA MAISHA YAKO.
USIKATISHWE TAMAA NA WAFANYABIASHARA AMBAO WANADHANI WANAFAHAMU KILA KITU ,
KWA KUKOSOA WAZO LAKO.
NAO PIA KUNA VITU HAWAJUI HATA KAMA WAMESHAFANIKIWA KWA HIYO PIGANIA ULICHONACHO.
Subscribe to:
Posts (Atom)
.jpg)
